
الأتمتة
01التقرير اليومي يوصلك جاهز. رسائل العملاء ينرد عليها. المخزون ينجرد. والمحتوى ينزل في وقته. أي شي يسويه فريقك بنفس الطريقة كل يوم، نقدر نخلّي نظام يسويه.

استوديو للأتمتة وتطوير الأعمال والإنتاج
من نحن
كل يوم نفس التقرير، ونفس الردود على العملاء، ونفس الجرد آخر الدوام. وقتك ووقت فريقك أغلى من كذا. نجلس معك ونشوف شغلك على الطبيعة، ثم نبني لك نظام يشيل هذي المهام عنكم. نشتغل مع عميل واحد في كل مرة، وكل نظام نفصّله على صاحبه.
شوف شغلنا
التقرير اليومي يوصلك جاهز. رسائل العملاء ينرد عليها. المخزون ينجرد. والمحتوى ينزل في وقته. أي شي يسويه فريقك بنفس الطريقة كل يوم، نقدر نخلّي نظام يسويه.

من وين يجي دخل جديد؟ كم تسعّر؟ ومع مين تتشارك؟ نجاوب معك على هذي الأسئلة ونحطها في خطة واضحة. وإحنا أصحاب مشاريع قبل ما نكون مستشارين، فكلامنا عن تجربة.

نصوّر ونمنتج وننشر. ومن تسجيل واحد نطلّع لك محتوى يكفيك أسبوع كامل.
ما نبيع برنامج جاهز للكل. نبني لكل عميل نظامه، على طريقة شغله وشغل فريقه.
«ما تحتاج تفهم في التقنية. تحتاج شغلك يخلص.»
مشاريع حقيقية، بنيناها بيدنا.







الموظف يجرد المخزون، ويستلم البضاعة، ويسجل المصروفات، ويقفل الصندوق من جواله. والإدارة تشوف كل الفروع في لوحة وحدة، أول بأول.
استوديو آلي: يدخل تسجيل البودكاست من عدة كاميرات، ويطلع حلقة جاهزة ومقاطع قصيرة وصور الغلاف. ومعه منصة للنشرة الأسبوعية ولعبة كلمات أونلاين.
تطبيق للوسيط العقاري: يدخّل إعلانه، وبضغطة وحدة تطلع له بطاقة جاهزة يرسلها لعملائه. موجود على App Store و Google Play، ومعه موقع ولوحة تحكم.
يكتب المحرر الخبر، وفي 12 ثانية تقريبًا تطلع بطاقة بهوية القناة جاهزة للنشر. في أول أسبوع من التجربة: 318 بطاقة ومقطع.
خط إنتاج كامل لبودكاست تنس: الحلقة تتمنتج، ويطلع منها خمسة مقاطع ريلز، وبوسترات المباريات تتصمم لحالها من النتائج المباشرة.
موقع حجز لباقات الحفلات، بالعربي والإنجليزي. العميل يحجز ويدفع أونلاين، ويوصله التأكيد والتذكير وطلب التقييم تلقائي.
نظام كاشير من صنعنا: تطبيق بيع على الآيباد، ولوحة تدير منها المنيو والفروع والطابعات وتقارير المبيعات اليومية.

أرسل طلبك من النموذج تحت، ونرتب معك الموعد.
اكتب لنا الشغلة اللي تبغى ترتاح منها، بكلامك العادي ومن غير مصطلحات. نقرأ كل طلب بنفسنا، ونرجع لك نرتب مكالمة.